Paltaryuyan niyə səs salır və titrəyir?

Yeni quraşdırılmış paltaryuyanda güclü titrəmənin ilk səbəbi nəqliyyat boltları və səviyyəsiz ayaqlar ola bilər. İstifadədə olan cihazda isə az paltarın bir tərəfə yığılması və ya həddən artıq yük sıxma zamanı balansı pozur.

Uğultu sürət artdıqca güclənirsə podşipnik, döyüntü varsa amortizator və əks çəki, metal sürtünməsi varsa baraban və yad əşya ehtimalı qiymətləndirilir. Barabanı əllə çevirdikdə kobud səs və boşluq hiss edilirsə cihazı işlətməmək daha təhlükəsizdir.

Maşının sərt və düz səthdə dayanmasını, ayaqların sabitliyini və yükün bərabər paylanmasını yoxlaya bilərsiniz. Lakin korpusu açmaq, ağır əks çəkini və yayları sökmək təhlükəlidir. Peşəkar yoxlama səsin sadə quraşdırmadan, yoxsa mexaniki aşınmadan gəldiyini müəyyən edir.